行到北仔尾

行到北仔尾

年驚中秋，人驚四九。早都已經過了四十九，人生的六字變化，生、老、病、死、憂、惱，驚驚袂著等，竄驚竄拄著。囡仔時陣，徛家原本是坐東北向西南，後來父母起新厝，轉為坐西北向東南。大方向就是坐北向南。離家讀冊蹛學寮，宿舍大樓是坐南向北。出業了後，成家買厝，選一間坐東向西的起家厝。食老養老，換一間坐西向東的透天厝。東南西北，踅一輪轉，人生嘛對東仔東行到北仔北，真正需要停落來歇睏一下，思考一下。下一輪出發，好尾好頭。驚啥！啥物攏免驚，向前行。

Kiânn-kàu pak-á bué

Nî kiann tiong tshiu, lâng kiann sì-kiú. Tsá to í king-kè liáu sì-tsa̍p-káu, jîn-sing ê lio̍k-jī piàn-huà, sing, lāu, pīnn, sí, iû, ló, kiann-kiann bē tio̍h-tíng, tshuàn kiann tshuàn tú-tio̍h　. Gín-á sî-tsūn, khiā-ke guân-pún sī tsē tang-pak ànn  sai-lâm, āu-lâi pē-bú khí sin-tshù, tńg uî tsō sai-pak ànn tang-lâm. Tuā hong-hiòng tsiū-sī tsē pak ànn -lâm. Lī-ka tha̍k-tsheh tuà ha̍k-liâu, siok-sià tuā-lâu sī tsē lâm ànn -pak. Tshut-gia̍p liáu-āu, sîng-ka bué-tshù, suán tsi̍t-king tsē tong ànn sai ê khí-ke tshù. tsia̍h-láu ióng-ló, uānn tsi̍t-king tsē sai ànn tong ê thàu-thinn tshù. Tang-lâm-sai-pak. Se̍h tsi̍t lián tńg.  Jîn-sing mā tuì tong á tong kiânn-kàu pak-á pak, tsin tsiànn su-iàu thîng lo̍h-lâi hioh-khùn tsi̍t-ē, su-khó tsi̍t-ē. Hē-tsi̍t lûn tshut-huat, hó-bé hó thâu. Kiann siánn! siánn-mi̍h lóng bián-kiann, hiòng-tsîng kiânn.